<?xml version="1.0" encoding="UTF-8"?><song><title>Previous to the Lord's Supper ƲIT107</title>
<lyrics>[V1]
 Chisʋs pi Okchalinchi ma!
 Nana isht ʋlhpisa hoka
 Ish pim atahli tok mak o̱
 Pi tikba yak talaiʋshke.

[V2]
 Na̱ holitopa fehnʋshke:
 Pʋska tushahli yʋmmak osh
 Chisʋs haknip boshulli ka
 Isht ʋlhpihi̱sa mak oke.

[V3]
 Yohmi ka pʋska ilʋppa
 Ʋpʋt il a̱shwa ta̱kla kʋt,
 Chisʋs oka anukfillit
 Eho pihi̱sa pullashke.

[V4]
 Yʋmohmikma, oka pa̱ki
 Ilʋppak okʋt Chisʋs a̱
 Im issish holitopa ka
 Isht ʋlhpisa mak inlishke.

[V5]
 Oka pa̱ki il ishko kʋt
 Pin Chisʋs im issish oke,
 Ahnit, pi chu̱kʋsh fehna ka
 Isht eho holitoblashke.

[V6]
 Nan isht ʋlhpisa ilʋppʋt
 Nana a pi̱ fehna hoke;
 Ʋba ont il ai impa he
 Isht Ʋlhpisa; pi yukpʋshke.

[V7]
 Pi̱ Mi̱ko ma! Pi̱ nukha̱kló
 Auet ish pi bilinchashke;
 Pitintakla hikia cha,
 Ish pi yukpali pullashke.</lyrics>
<time_sig>L.M. (8.8.8.8.)</time_sig>
<hymn_number>107</hymn_number>
<aka>Chisʋs pi Okchalinchi ma!</aka>
</song>